Жания Алиханқызы айтулы белес — 60 жасқа толды.
Жания Алиханқызы Алиханова 27 қазан 1955 жылы Оңтүстік Қазақстан облысы Төлеби ауданында туылған, білімі жоғары, 1979 жылы С.М.Киров атындағы Қазақ мемлекеттік университетін «құқықтану» мамандығы бойынша бітірген. Сыныптық шені – аға әділет кеңесшісі. Прокуратура органдарындағы еңбек жолын 1979 жылы Чимкент облысы Сайрам ауданы прокуратурасының тәлімгерінен бастаған, ары қарай Сайрам ауданы прокурорының көмекшісі, облыс прокуратурасының қылмыстық істер бойынша сот қаулыларының заңдылығын қадағалау бөлімінің прокуроры, Төлеби ауданы прокурорының көмекшісі, облыс прокуратурасының жұмысты ұйымдастыру бөлімінің аға прокуроры, бөлім бастығы, облыс прокурорының кадр жұмысы жөніндегі аға көмекшісі, Шымкент қаласы прокурорының орынбасары, Шымкент қаласы прокурорының жұмысты ұйымдастыру бақылау жөніндегі аға көмекшісі, облыс прокуратурасының азаматтардың өтініштерін қарау туралы заңдардың қолданылуын қадағалау және іс-қағаздарды жүргізу бөлімінің бастығы, облыс прокурорының кәмелетке толмағандар туралы заңдардың қолданылуын қадағалау жөніндегі аға көмекшісі, бөлім бастығы, облыс прокурорының аға көмекшісі қызметтерін атқарған. Қазақстан Республикасы Бас прокуратурасы С.Есқараев атындағы Институты директорының 26.11.2012 жылғы 45л/с-санды бұйрығымен Ж.А.Алихановаға Институттың кадрларды бастапқы дайындау факультеті Оқу орталықтарының қызметін ұйымдастыру бөлімінің аға прокуроры (аға оқытушысы) міндетін атқару жүктеліп, Оңтүстік Қазақстан облысы прокурорының жедел бағыныштылығына жіберілген. 27 қазан күні Жания Алиханқызы айтулы белес — 60 жасқа толып отыр.
Туылған күн иесін мерей тойымен құттықтаймыз !!! Өміріне барша жарық дүние шапағатын, мықты денсаулық, отбасына амандық, бақыт пен береке, қуаныш пен жақсылық тілейміз.
