26 жасында миллионер атанған Қайрат Сапарбаевтың музыкалық туындалары жарық көрді. Бүгінде 53 жасты алқымдаған бизнесмен шығармашығылыққа бір табан жақын. Ақындық қасиетті бойына дарытқан, әрі жазушылықты жанына серік еткен ел азаматы. Күні бүгін өзінің 20 музыкалық әуенінің 10-ына бейнебаян да түсіріп үлгерген.
Шымкенттіктер үшін тағы бір танымал отбасы – Сапарбаевтар әулеті. Бұл шаңырақтың отағасысы Махамбет Сапарбаев Түркістан облысына ғана емес, Республикаға танымал. Спорттың нағыз жанашыр тұлғасы, ҚР еңбек сіңірген жаттықтырушысы, ОҚО «Құрметті азаматы» атағын иемденген ел ағасы. Өнегелі отбасыдан шыққан Махамбет Сапарбаевтың ұлы Қайрат Сапарбаевты да ел белді кәсіпкері ретінде таниды. Бүгінде бизнестің биік шыңын бағындырған аптал азамат, шығармашылықтың да шыңын бағындыруда. Оның бұған дейін «Анелия любит Короля» атты кітабы жарыққа шыққан болатын. Енді Сапарбаевтың 20 музыкалық туындысы көпшілікке таныстырылды. Жан рахаты үшін жазылған әуеннің 10-ына бейнебаян түсіріп үлгерген. Белді кәсіпкердің айтуынша, мұның барлығы пайда үшін емес, жан қалаған шығармашылық үшін жасалынып жатқан дүниелер.
Ерекше атап өтетін жайт, көпшілікке таныстырылған 10 бейнебаянның түсірілім жұмысы небәрі 16 күннің ішінде толық аяқталған. Алматы және Шымкент қалаларында жасалынған туындыға екі қаладан да арнайы актерлер қатысыпты. Бейнебаянды түсірген режиссер Абит Турсуметов.
Бүгінгі таңда өз кәсібін жаңа бастаған бизнесмендерге Қайрат Сапарбаевтың еңбек жолы үлгі! Алдыңғы буын- келер буынға үлгі.. Сапарбаевтың бизнестегі жетістігі ғана емес, өмірдегі адамгершілігі, рухани байлығы, пайдасы көзделмеген шығармашылығы талайды таңдай қақтырары сөзсіз.
Тоғжан Нарбай.
