Бүгінгінің қаһармандары – дәрігерлер марапатталды

Мемлекет басшысы медицина қызметкерлерін «бүгінгі күннің батырлары» деп бағалады. Коронавирус індетін жұқтырғандарды емдеп, өз денсаулықтарын қатерге тіккен, медицина қызметкерлерінің еңбегі ерен. Осы тұста, мегаполис төрінде ақ халатты абзал жандардың  қайсар мінезі мен қалтықсыз қызметіне ерекше құрмет көрсетілді. Сын сағатта қиындыққа мойымай, Гиппократ антын сақтаған дәрілерге айтар алғысымыз шексіз.Қала әкімі Мұрат Дүйсенбекұлы өз сөзінде: «Бұл марапат осынау қиын кезеңде сіздермен бірге аянбай еңбек етіп жатқан ұжымдарыңыздың да жетістігі деп білемін. Журналистер халықтың үні, көзі, құлағы болса, әрине адам жанының арашасы ақ халатты абзал жандар. ел үшін сындарлы шақта үй бетін көрмей, отбасы, бала-шағасынан жырақ жүріп науқастарды қауіпті дерттен емдеп, жанына шипа сыйлап жүрген медицина қызметкерлеріне баршамыз алғыс айтамыз», — деп құттықтауын білдірді.

Өз басын қауіпке тігіп, адам тағдырына араша түсетін – ақ халатты жандар. Халық саны миллионнан асатын Шымкент тұрғындарына медициналық қызмет көрсетіп келе жатқан дәрігерлердің еселі еңбегі еленді. Үзілген үмітті қайта жалғап жүрген медицина қызметкерлеріне қала басшысы Мұрат Әйтенов алғыс білдірді. Бүгінгі күннің батырлары, ақ халатты абзал жандарға мемлекет басшысының медалі мен Құрмет грамотасы, алғыс хаттары табысталды.

«Парасат» орденінің иегері:

— «№6 қалалық емхана» МКК-ның бас дәрігері Гүлнар Күлбаева.

«Құрмет» орденінің иегерлері:

— «Қалалық жұқпалы аурулар ауруханасы» МКҚК-ның зертхана меңгерушісі Қалдыкүл Күлжанова;

— «Қалалық диагностикалық орталық» МКК-ның дәрігері Людмила Кулиева;

— «Жедел медициналық жәрдем көрсету станциясы» МКК-ның бас дәрігері

Гүлнар Құрманбекова.

«Ерен еңбегі үшін» медалінің иегерлері:

— «№1қалалық клиникалық аурухана» МКК-ның аға медбикесі Жадыра Иманәлиева;

— «№2 қалалық аурухана» МКК-ның бас дәрігері Сарсен Пернебеков

— «Қалалық жұқпалы аурулар ауруханасы» МКҚК-ның бөлім меңгерушісі

Баян Рыстаева;

— «Қалалық жұқпалы аурулар ауруханасы» МКҚК-ның аға медбикесі Алмаш

Салтакова.

«Шапағат» медалінің иегерлері:

— «№2 қалалық аурухана» МКК бас дәрігердің орынбасары Күлзайнап Машрапова;

— «Қалалық кардиологиялық орталық» МКК-ның бөлім меңгерушісі Бекжан Перменов,

Құрмет грамотасының иегерлері:

— «Жедел медициналық жәрдем көрсету станциясы» МКК-ның дәрігері Айгүл Айтуреева;

— «Қалалық перзентхана» МКК-ның бөлім меңгерушісі Ержан Әшіров

— «Қалалық жұқпалы аурулар ауруханасы» МКҚК-ның бөлім меңгерушісі Мұқан Бижанов.

ҚР Президентінің Алғыс хатымен марапатталғандар:

— «Оңтүстік» телеарнасының редакторы Мұхтар Атабеков;

— «Оңтүстік» телеарнасының бас инженері Қахарман Сұлтанов.