Шымкент қалалық Төтенше жағдайлар басқармасы тұрғын үйіңізді өрттен қорғауға шақырады. Осы мақсатта мекеме қызметкерлері тәртіп сақшыларымен бірлесе арнайы іс-шараларды қолға алды. Көлік тізгіндеген азаматтарға тілсіз жаудан қорғану шаралары баяндалған парақшалар таратылып, түсіндірме жұмыстарын жүргізді. Төтенше жағдайлардың алдын алуға бағытталған шарада басқарма мамандары бірқатар көлік иелеріне қызыл жалынды сөндіргіш құрылғылардың толық қолдану тәртібін де көрсетті. Тілсіз жаудың адам өміріне қауіпті екенін ескерсек, оған қаламыздың әрбір тұрғыны немқұрайлы қарамай, барынша сақтық шараларын қолға алғаны жөн. Күз, қыс мезгілінде қолданалатын жылыту қондырғылары мен электр жүйесіне қосылған құралдарды қараусыз қалдырмағаныңыз да абзал. Сақтықта қорлық жоқ екенін ұмытпайық.
