Мұғалім-адам жанының инженері…

Күні кеше үкіметте​ «Педагог мәртебесі» туралы заң жобасы мақұлданып, Мәжілістің қарауына жіберілді. ҚР Тұңғыш Президенті-Елбасы Н.Назарбаевтың бастамасымен, мемлекет басшысы Қ.Тоқаевтың тапсырмасымен жүзеге асырылған бұл заң жобасы-тарихи шешім екені баршамызға аян.
Қазақта бұрындары балаларға берілер батаның үлкені «айналайын, мұғалім бол!» болатын. Себебі, ауылда болсын, қалада болсын, мұғалім зиялы адам есептелетін. Мұғалімді ұстаз санап, әркім сыйлайтын, құрмет тұтатын. Қазіргі саяси тұлғалардың қайсысын алсаңыз да білім берген мұғаліміне еліктеді, үлгі алды. Тіпті мұғалім болуды армандады.
Әлемде бүгінде төрт мыңнан астам мамандық бар деп есептеледі. Бірақ, қандай қоғам, қандай заманауи өзгерістер болмасын, білім саласында мұғалім – шешуші тұлға болып қала беретіні даусыз.
Мағжан Жұмабаев: «Алты Алаштың баласы бас қосқан жерде, қадірлі орын – мұғалімдікі» деген екен. Ғасыр ғұламасының осы бір сөздері қаншама жылдар өтсе де, өз өміршеңдігін жойған емес. Себебі, мұғалім – адам жанының инженері!
«Педагог мәртебесі» туралы заң жобасы-бәсеккеге қабілетті, адал, сананың ашықтығын қалайтын заманауи жаңа ұрпақты тәрбиелеуге тың серпіліс береді.
Еліміздегі көп салалы, іргелі білім ордасы М.Әуезов атындағы Оңтүстік Қазақстан мемлекеттік университетінің профессор-оқытушылар құрамы мен студенттері бұл заң жобасы халық арасында талқыланған сәтте, белсенділік көрсетіп, үн қосқан болатын. Университет ұжымы барша ұстаздар қауымы асыға күткен заң жобасынын қолдайды.

Дария Қожамжарова
М.Әуезов атындағы ОҚМУ ректоры, академик.