Түркістан облысының құрылғанына — 1 жыл. Осыған орай, Түркістан облысына күні кеше қайта әкім болып тағайындалған — Өмірзақ Шөкеев журналистермен жүздесті. Руxани аймақты басқарып отырған басшы 1 айдың көлемінде қабылданған 5 қаулы туралы тарқатудан бастады.
Түркістанды дамыту үшін ел қазынасынан 1 триллион 236 мың теңге бөлінген. Осы қаражатқа атқарылатын жұмыстар да белгілі.
«Түркістан — түркі әлемінің руxани астанасы» деген тақырыпты арқау етіп айқындалған туристтік бағыттар да бар. Былтыр облыс орталығына 1,5 миллион турист келіп, қызықтап кеткен. Олардың санын көбейту үшін алдағы уақытта Төлеби ауданында «Қасқасу» тау-шаңғы курорты салыну жоспарланып жатыр. Осы тұста, Өмірзақ Естайұлы бұл бастама осыдан 30 жыл бұрынғы жоспар болатын дейді. Сол идеяны жүзеге асыруды көздеп отыр.
Сондай-ақ, мұнан өзге алдағы уақытта облыстың 80 пайызы таза ауыз сумен қамтылмақ. Ал, көгілдір отын Түркістан өңірінде үлкен мәселе болып келген.
