Түркістан облысының құрылғанына 1 жыл толуына орай БАҚ өкілдерімен жүздескен Өмірзақ Естайұлы атқарылған шаруаны ақтарып, руxани орталықтың жетістігі Үкіметтің, жергілікті билік пен xалықтың абыройы дейді. Брифингке қатысқан журналистер Түркістан облысының әкіміне, орынбасарларына сұрақ қоюға мүмкіндік алды. Әрине, кездесу баспасөз өкілдерімен болып жатқандықтан Шөкеев алдағы уақытта БАҚ өкілдеріне арналып «Медиа орталық» салынатындығын айтып қуантты. Брифингте журналистер көкейінде жүрген көп сұрақтар қойды. Қызметте ұзақ жылдан бері отырған аудан, қаладағы қаржы бөліміндегі басшыларға қатысты да мәселе көтерілді. Бір саланы жылдап басқару жемқорлыққа бір қадам жол емес пе? — деген сұрақтар жолданды. Сонда Өмірзақ Естайұлы адамды қызметте ұзақ жыл отырды деп орнынан алып тастайтайтын менде ондай принцип жоқ екендігін айтады. Мемлекеттік қызметкерлердің тәжірибесі мол, еңбегі адал болса болғаны дейді Шөкеев. Осы брифинг кезінде шілде айынан бастап Түркістан қаласында мемлекеттік баспана беріле бастайтындығы белгілі болды.
