Қазақстандық кәсіпқой босшы, жерлесіміз Бейбіт Шүменов 21 мамыр күні америкалық боксшы Джуниор Райттты жеңіп, WBA нұсқасы бойынша бірінші ауыр салмақта «тұрақты» әлем чемпионы титулын жеңіп алды. АҚШ-тың Лас-Вегас қаласында өткен 12 раундық кездесудің 10-шы рауындында Бейбіт Шүменов қарсыласын техникалық нокаутпен тізе бүктіріп, қазақ елінің абыройын тағы бір мәрте асқақтатты. Жерлесіміз, кәсіпқой боксшы Бейбіт Шүменов 21 мамыр күні кәсіпқой рингтегі 17-ші жеңісіне қол жеткізді. Олардың 11 –і мерзімінен бұрын аяқталған. Яғни АҚШ-тың Лас-Вегас қаласында өткен 12 раундық кездесудің 10-шы рауындында Бейбіт Шүменов қарсыласы Джуниор Райтты техникалық нокаутпен тізе бүктіріп WBA нұсқасы бойынша бірінші ауыр салмақта «тұрақты» әлем чемпионы титулын жеңіп алды. Осы орайда айта кету керек Бейбіт Шүменов Жартылай ауыр салмақта 2 дүркін, және ауыр салмақта 2 дүркін чемпион атанып отырған ТМД елдеріндегі жалғыз боксшы. Осылай деген даңқты былғары қолғап шеберінің әкесі, белгілі кәсіпкер Әмірхан Шүменов ұлының бұл жолғы қарсыласының есімі кездесуге небәрі 3 күн уақыт қалғанда ғана белгілі болғандығын айтады. Әрине мұндай жағдайдың боксшы үшін оңайға түспейтіндігі анық. Тіпті алдын ала насихат жұмыстарының аздығынан осы бір маңызды кездесуге Америкадағы қазақ диаспоралары мен студенттері де қатыса алмапты. Алайда мұндай жағдайларға қазақ спортшысының сағы сынған жоқ. Өзінің қайсарлығы мен батылдығн тағы бір мәрте дәлелдеп жеңіске жетті.
Бейбіт Шүменов 1983 жылы 19 тамызда дүниеге келген. Жастайынан спортқа құштар ол алғашқы қадамын әуесқой бокстан батап, талай жетістіктерге қол жеткізген. Ол 2003 жылы Үндістанда өткен бірінші Африка-Азия ойындарының күміс жүлдегері. 2004 жылы Филипинда өткен Азия чемпионатының алтын медаль иегері. Сондай ақ ол 2004 жылы Афинада өткен олимпиадаға қатысқан. Ал кәсіпқой бокста да талай мықтылармен шаршы алаңға шығып ел мерейін асқақтатып жүрген жерлесіміздің жетістіктері аз емес. «Түзде баласы атқа шапса, үйде анасы тақымын қысады» дегендей Бейбіт Мұхиттың арғы жағында жекпе-жекке түсіп жатқанда тілеулес әкесі көбіне ұлының кездесуін теледидар арқылы тамашалап, сәттілік тілеп отырады. Бүкіл қазақ халқы тілеуін тілеген Бейбіттің 21 мамыр күнгі жеңісі Американың төрінде қазақтың көк байрағын тағы бір мәрте желбіретті. Ұлының әлі де талай белестерді бағындыру ниеті бар екендігін айтқан әкесі Әмірхан Шүменов Бейбітті ең алғаш бокс мектебіне өзі апарған. Бірінші ауыр салмақта «тұрақты» әлем чемпионы титулын жеңіп алған жерлесіміз Бейбіт Шүменов ендігі жерде Ресей былғары қолғап шебері, әлем чемпионы Денис Лебедевпен кездесу өткізуі тиіс. Ендеше қазақ елін әлемге танытып жүрген спортшымызға сәттілік пен жеңіс тілейміз.
Абай ОМАР
