Түркістанда «Нұр Отан» партиясы облыстық филиалының кезекті ХХХV есеп беру-сайлау конференциясы өтті.
Конференцияға «Нұр Отан» партиясының Хатшысы — Қ.Жұмашев, облыс әкімі – Ж.Түймебаев, «Нұр Отан» партиясы облыстық филиалы төрағасының бірінші орынбасары – Н.Жолдасов, мәслихатының хатшысы-Қ.Балабиев партия филиалының саяси кеңес мүшелері, мәслихат депутаттары, Бастауыш партия ұйымдарының басшылары, мемлекеттік органдардың басшылары, БАҚ өкілдері қатысты.
Конференцияда Қазақстан Республикасының Президенті Н.Ә.Назарбаевтың Елбасы Н.Ә.Назарбаевтың 2018 жылғы 5 қазандағы «Қазақстандықтардың әл-ауқатының өсуі: табыс пен тұрмыс сапасын арттыру» Жолдауын Түркістан облысында жүзеге асыру барысы туралы өңір басшысы Жансейіт Түймебаев баяндады.
Жолдаудың негізгі басымдықтарын талқылау мақсатында Түркістан облыстық ардагерлер кеңесінің төрағасы Ж.Мәуленқұлов жарыссөзге шығып, «Мемлекет басшысының 2019 жылы «Жастар жылы» деп жариялауы, падагогтар мәртебесіне арналған жаңа Заң қабылданатынын айтақыны ардагерлерді жадырата түсті. Себебі, ардагерлер ұйымдарының басты парызы – жас ұрпақ тәрбиесіне аянбай атсалысу.
Елбасының биылғы Жолдауы бүкіл халқымызға, оның ішінде ардагерлерге де жаңа-күш жігер берді.
Жолдауды түсіндіріп, насихаттауға және нақты жүзеге асыруға бар мүмкіндіктерімізді жұмсаймыз.»-деп атап өтті.
Сондай-ақ, Оңтүстік Қазақстан мемлекеттік педагогикалық университетінің ректоры, ҚР ҰҒА корреспондент-мүшесі, п.ғ.д., профессор, Түркістан облыстық мәслихатының депутаты Оңалбай Аяшев: «Жолдаудың басым бағыттарының бірі – білімді дамыту. Өзгермелі уақыттың әлем алдындағы бүгінгі ең үлкен талабы – қоғамның адам капиталын дамытуға бейімделуі. Бұл «білім экономикасын» дамыту деген сөз.
Осы міндет бізден бір қадам болса да ілгері жүріп, оза түсуді қажет етеді. Білімнің болашақтың экономикасына бейімделгенін қаласақ, біріншіден, бүгінгі кадрларды ертеңгі күннің сұранысына сәйкес даярлау қажеттігі туындайды. Тұрақты негізде және ұзақ мерзімді даму перспективасына жұмыс істегенде ғана біз нақты нәтижеге қол жеткіземіз.»-деді.
Сонымен қатар, конференция барысында партия филиалы төрағасының бірінші орынбасары Н.Жолдасов 2017-2018 жылдары атқарылған жұмыстар туралы есебін баяндады.
Конференция соңында Саяси кеңес құрамына өзгерістер енгізіліп, партиялық бақылау комиссиясы сайланды.
