Тәуесіздікке қол жеткізу мен қоғамның демократиялануы бұқаралық ақпарат құралдарының дамуына айтарлықтай әсер етті. Егер 1990 жылы елімізде 500-ге жуық БАҚ тіркелсе, 1992 жылы олардың саны екі есе өсті.
Теледидар эфирінде оған дейін күніне небәрі бірнеше сағат хабар тарататын «Қазақстан» арнасы орталық мәртебеге ие болды. Енді ол елдің бүкіл аумағын қамтып, толыққанды хабарлар тарата бастады. 1995 жылы қысқы мерзімде өз аудиториясын жинай алған «Хабар» мемлекеттік телеарнасы жұмыс істей бастады. «Егемен Қазақстан» мен «Казакстанская правда» беделді күнделікті газеттер ретінде бұрынғысынша Қазақстандықтар үшін сенімді ақпарат көзі болды. Оларда елдегі өмір туралы журналистік материалдармен қоса заңдар, жарлықтар, ресми хроника жарияланып тұрады. Дәл осы кезде «Караван», «Новое покаление», «Экспресс К», «КТК», «31 канал», «Таң» сияқты жеке басылымдар мен телеарналар танымалдыққа ие болды.
1990-жылдары бірінші жартысында баламалы ақпарат көздерінің пайда болуы, әлбетте, азаматтық қоғамның қалыптасуына ықпал етті. Журналистер заң бұзушылықтарға жедел түрде көңіл қоя, әртүрлі себептермен қоғам мен мемлекеттің тиісті дәрежеде назарын аудара алмаған мәселелерді қаузады. Дегенмен бұл процесте «ақпараттық соғыс» түріндегі елеулі кінәрәттар да болды: ірі кәсіпкерлерге тиесілі газаттер мен телеарналар өз қожайындарының мүддесін қорғады және ішінде этностық тұрғыда жол беруге болмайтындары да бар кез келген тәсілмен бәсекелестеріне қара күйе жағатын.