2018 жылдың 10 қаңтарында Оңтүстік Қазақстан облысы мәслихатының кезекті сессиясында Нұрлан Сейіджаппаровқа қатысты ұсыныс қаралып, оған сессия «Оңтүстік Қазақстан облысының Құрметті азаматы» атағын беру туралы шешім қабылдады.
Анықтама:
Нұрлан Сейіджаппаров 1949 жылы 13 наурызда Шымкент қаласында туылған. Мамандығы бойынша құрылысшы – инженер технолог. Еңбек жолын құрылыс басқармасының өндіріс саласынан бастады, кейінен мекеменің комсомол жұмысында жүріп комсоргтан Оңтүстік Қазақстанның обком комсомолының бірінші хатшысы дәрежесіне дейін көтерілді.
6 жыл бойы Оңтүстік Қазақстан облысы, Сарыағаш аудандық партия комитетінің бірінші хатшысы қызметін атқарды. Қазақ ССР-і Жоғарғы Кеңесінің депутаты болып сайланды. Қазақстан компартиясы орталық комитетінің бірінші хатшылығына Генадий Колбиннің келісімімен облыстық билік басында жүрген бірқатар азаматтары қуғынға ұшырағаны белгілі. Осы кезеңде Нұрлан Сейітқұлұлы да Өзбекстанда жұмыс істеуге мәжбүр болды. Ол екі жарым жылдай Ташкент қаласындағы «ГлавТашкентстрой» жүйесіндегі «Промстройиндустрия» ірі бірлестіктің бас директоры орынбасары қызметін атқарды.
1980 облыстық ХХІҮ партия конференциясында сайланған Қазақстан Компартиясы Шымкент облыстық комитетінің мүшесі
1985 жылы Нұрлан Сейтқұлұлы Сарыағаш сайлау округінен Қазақ ССР Жоғарғы Советінің депутаты болып сайланды.
Қазақстан компартиясы орталық комитетінің бірінші хатшысы болып сайланған Нұрсұлтан Назарбаевтың тікелей араласуымен Нұрлан Сейтқұлұлы өз Отанына оралып, алты жыл Сарыағаш ауданының әкімі болып жұмыс істеді.
1998 жылы Оңтүстік Қазақстан облыстық жер комитетінің төрағасы, 1999-2002 жылдары аралығында Оңтүстік Қазақстан облысы әкімінің орынбасары қызметін атқарды.
2002 жылы Оңтүстік Қазақстан облысы бойынша орман және аң шаруашылығы аумақтық басқармасының бастығы болып тағайындалды.
1997 жылы «Чудеса и приключения» деп аталатын Бүкілресейлік әдеби-көркем журналының редакциялық алқа мүшесі болып сайланды. 2004 жылдың мамыр айынан бері «За семью печатями» Бүкілресейлік журналының редакциялық редакциялық алқа мүшесі.
Еңбектегі елеулі қызметтері үшін «Құрмет белгісі» орденімен (1982 ж.), КСРО Жоғарғы Кеңес Президиумының «Тың жерлерді игеруге үлес қосқаны үшін» медалімен (1956 ж.), «Кемеров облысына 60 жыл» медалімен (2003 ж.), «Қазақстан Республикасының Тәуелсіздігне 20 жыл» (2011 ж.), «Қазақстан Республикасының Мемлекеттік қызмет істері агенттігіне 10 жыл», «Облысқа сіңірген еңбегі үшін» (2012 ж.) мерекелік медальдарымен марапатталған.
Білім беру саласындағы ерекше еңбегі үшін «Сарыағаш ауданының Құрметті ұстазы» белгісімен марапатталған.
Зейнет жасына шықса да Нұрлан Сейітқұлұлы қоғамдық жұмыстарға белсене араласып, мектеп жасындағы жастармен жиі кездесулер өткізіп, олардың бойындағы елге, жерге деген патриоттық сезімдерін оятып, болашаққа айқын жол сілтей біледі. Өз ортасында тәрбиелік ұғымдарды үнемі насихаттап жүр. Осындай жақсы қасиеттерімен де көпшілікке сыйлы.
Нұрлан Сейітқұлұлы ел дамуына қосқан ерен еңбегі мен белсенділігінің арқасында мемлекет тарапынан құрметтеуге әрі бағалауға лайық. Бүкіл еңбек жолыңда қоғамдық саласының дамуына үлесін қосқан, Оңтүстік Қазақстан облысының өсіп-өркендеуіне, экономикалық тұрғыдан өрлеуіне сүбелі үлес қосып, қолынан келген көмегін аямай келе жатқан еңбек ардагері, абыз ақсақал.