Үкімет туризмді дамытуға баса мән береді. «Дүниежүзілік саяхаттар және туризм кеңесінің» бағалауы бойынша, Қазақстан 2016 жылы туризм индустриясы мен туризмде үздік жетістіктерге жеткен Топ-10 елдің қатарына енді. 2023 жылға дейінгі туристік саланы дамытудың бекітілген Тұжырымдамасына сәйкес Қазақстанда алты мәдени-туристік кластер құрылады:
«Астана – Еуразия жүрегі»,
«Алматы – Қазақстанның еркін мәдени аймағы»,
«Алтай інжулері»,
«Ұлы Жібек жолын жандандыру»,
«Каспий қақпасы»,
«Табиғат пен көшпелі мәдениеттің біртұтастығы».
Осының ішінде «Ұлы Жібек жолын қайта жаңғырту» кластері Қызылорда облысының орталық және шығыс бөліктерінен, ОҚО-ның оңтүстік-шығыс және солтүстік-батыс бөліктерінен және Жамбыл облысының оңтүстік-батыс бөлігінен тұрады. Туристік мүддеге ие басты орындары:
1) Заманауи Түркістан қаласы;
2) Қожа Ахмет Яссауи кесенесі (ЮНЕСКО нысаны);
3) ЮНЕСКО-ның алдын ала әзірленген тізіміне қосылған орта ғасырлық Отырар қалашығының және Отырар шұратының археологиялық нысандары;
4) Сауран археологиялық кешені;
5) Палеолиттік учаскелері мен геоморфологиясы бар Қаратау мемлекеттік табиғи қорығы; ЮНЕСКО-ның алдын ала әзірленген тізіміне қосылған Арпа-Өзен таңбалы тастары.
6) Сайрам-Өгем МҰТП
7) Ақсу-Жабағылы мемлекеттік табиғи қорығы;
8) «Байқоңыр» кешені;
9) «Қасқасу» таулы шипажайы;
10) Қызылорда, Сарыағаш, Шардара, Тараз қалалары.
Кластердің орталық нысаны Қазақстанның халықаралық ғибадат ету және туризм орталықтарының деңгейінде мойындалған, рухани, тарихи-мәдени және туристік орталығы – Түркістан қаласы болады. «Ұлы Жібек жолын қайта жаңғырту» кластері «Ұлы Жібек жолының жүрегі» ретінде ұсынылатын болады. Аталған кластерде әзірленетін негізгі туристік өнімдерге рухани, тарихи-мәдени туризм жатады.
Оңтүстік Қазақстан облысында жалпы құны 297,3 млрд. тг жобаны іске асыру көзделіп отыр, оның ішінде мемлекеттік инвестицияның көлемі 6,3 млрд. теңге.
Іске асыруға жоспарланған жобалар:
Түркістан қаласында «Көне Түркістан» туристік жоба жүзеге асырылады. Жалпы жер көлемі: 99,6 га. Жоба жүзеге асқанда 250 адам жұмыспен қамтылады.
«Қасқасу» тау шаңғы кешенін дамыту 56,6 га жер көлемінде жүзеге асып, 1000 адамға арналған жұмыс орындарын ашу көзделуде,
«Сарыағаш» жаңа курорттық қалашық. Жаңа 1500 адамға жұмыс орнын ұсынатын жоба 630 га жер көлеміне салынады.
255,3 га жер көлеміне «Шардара» жағажай туризмі дамытылмақ. 500 адамды жұмыспен қамтуға бағытталған бұл жобаның жалпы құны 10,7 млрд. теңгені құрап отыр.
«Айғақ»-ақпарат.
