Қазақстанда ағымдағы жылдың бес айында 60-тан аса ер адам қуық асты безінің қатерлі ісігіне шалдыққан. Бұл азаматтар арасында жүргізілген скринингтік зерттеулер нәтижесінде анықталып отыр. Мұндай ауруларды емдеудің жаңа тәсілдері бүгін Алматыда өткен урологтар съезінде жан-жақты талқыланды. «Ауызсу сапасы нашар аймақтарда жиі кездесетін ауруды емдеудің жолдары жетілдірілуде», — дейді дәрігерлер. Жаңа технологияларды енгізудің арқасында науқастың денесін жарақаттамай-ақ, бүйректегі тасты алу операциясы сәтті жүзеге асып жатыр. Съезд аясында Ресей, Франция, Грузия және Өзбекстаннан келген атақты хирург-ғалымдар Урология ғылыми орталығында эндоскопиялық және лапроскопиялық операция бойынша шеберлік сабақтарын өткізді. Оны онлайн жүйесінде бақылаған студенттер өздерін қызықтырған сұрақтарға жауап алды. Айта кетейік, съезд аясында алғаш рет ТМД елдері урологтарының қауымдастығы құрылды. Марат Мақажанов, медицина ғылымдарының докторы, профессор: — Еркектердің бедеулігін алсақ, оның өзі бізде 15%-дан көп. Бұл деңгей – демографиялық проблема. Бүйрек тас ауруы өте көп біздің республикамызда. Былтырғы жылдың өзінде 12500 операция жасалды. Көп жарақаттамайтын операцияларға көшсек пе деген өзіміздің ойымыз ғой. Сондықтан соны жасап жатырмыз, соған ақырындап келе жатыр.
ШАЛА ТУҒАН НӘРЕСТЕЛЕРДІҢ ӨМІР СҮРУ ДЕҢГЕЙІ 80%-ҒА ДЕЙІН ӨСТІ
Астанада UMC Ана мен бала орталығының базасында неонатология, балалар хирургиясы, акушерлік және гинекология, педиатрия, мейіргер ісі, генетика сияқты...
