Оңтүстікке екі күндік жұмыс сапарымен келген ҚР Парламенті Сенатының Халықаралық қатынастар және қорғаныс қауіпсіздік комитетінің төрағасы Дариға Назарбаева бастаған сенаторлар бүгін қаламыздағы Кеңес Одағының батыры С.Рахымов атындағы «Жас ұлан» әскери мектеп- интернатына арнайы келді. Даңқты қолбасшының есімі берілген білім ұясына табан тіреген бойда Жоғарғы Палата депутаттары С.Рахымовтың ескерткішіне гүл шоқтарын қойды.
Қазақстан әскерінің болашақ офицерлері білім алып жатқан мектептің ішіне кіріп, әскери өмірге жан-жақты дайындалып жатқан жас ұландардың сабағын, білім ұясындағы жағдайымен толығырақ танысты.
Ұлдархан Өрісбай
