8 Наурыз — Халықаралық әйелдер мерекесіне орай Облыс әкімі Ж.Түймебаевтың қатысуымен«Ана-Нұр-Көктем» атты салтанатты шара болып өтті. Мерекелік шараға облыс ардагерлері мен зиялы қауым өкілдері, облыстық Ассамблея мүшелері, облыс әкімінің жанындағы әйелдер істері және отбасылық-демографиялық саясат жөніндегі комиссия мүшелері, облыстың аудан, қалаларынан түрлі салада қызмет ететін қыз -келіншектер, облыстық іскер әйелдер қауымдастығының мүшелері, облыстық саясаткер әйелдер қауымдастығының мүшелері, ҮЕҰ және БАҚ өкілдері қатысты.
Салтанатты шарада құттықтау сөз сөйлеген облыс әкімі Ж.Түймебаев барша нәзік жандыларды мерекелерімен құттықтады.
Мұнан соң, аймақ басшысы үйдің де, түздің жұмысын қатар алып, қоғамда айрықша белсенділігімен көзге түсіп жүрген 32 әйел азаматын марапаттап, оның 3-не «Облысқа сіңірген еңбегі үшін» белгісін берсе, 12-не Оңтүстік Қазақстан облысы әкімінің Грамотасын, тағы 12-не облыс әкімінің Алғыс хатын табыстады. Ал 5 ананы «Алтын алқа» төсбелгісімен марапаттады. Сондай-ақ, бүгінгі шараға келген барлық әйелдерге әкімнің шағын сыйы берілді.
Мерекелік кеште ОҚО-ндағы басқарма басшылары ерекше тарту жасады. Яғни, сахна төріне көтерілген басшылар бәрі бірге хормен ән салып, нәзік жандылардың көңілдерін бір серпілтті.
Жомарт Бегімбетов
