«Түрлі тағдыр тоғысқан поэзия кеші» Шымкентте зағип жандарға арналған арнайы кітапханада «Күз бен Біз» атты поэзиялық кеш өтті. Күздің қоңыр бояуын өлеңмен өрнектеген тағылымды шарада тағдырдың түрлі сынағын бастан өткеріп, көз жанары нашарлаған азаматтар жиналған. Айта кететіні Тағдырластар клубы қаламызда 15жылдан бері мүмкіндігі шектеулі жандармен жұмыс жасап келеді Шымкентте Кітап оқитын ұлт жобасы аясында арнайы кітапханада Куз бен біз атты поэзия кеші өтті. 15жылдан бері қызмет көрсетіп жүрген Тағдырластар клубының кезекті шарасында мүмкіндігі шектеулі, зағип жандар күздің қоңыр бояуын өлеңмен өрнектеп, көңілдерін әсем әнмен тербеді.
Бұл кештің басты ерекшелігі — әр адамның өз айтары, өз тарихы, өз жүрек сыры бар. Тағдыр тоғыстарған мүмкіндігі шектеулі оқырмандар кештің сәнін келтіріп, бірі өлең оқыса, енді бірі ән айтып, өнері арқылы ішкі сезімін жеткізді. Сонымен қатар мүмкіндігі шектеулі жандар арасында өткізілетін поэзия кештері мен инклюзивті шығармашылық шаралар ерекше жандардың қоғамға бейімделуіне, олардың ішкі жан дүниесін, таланты мен ерік-жігерін паш етуге бағытталған. Аталған жиынның басты мақсаты — кедергісіз орта қалыптастырып, өмірге құштар жандарға рухани демеу болу. Бұл жиынды қолдап келген Әділет партиясының өкілдері белсенді оқырмандарды Алғыс хаттармен марапаттап, клуб жетекшісіне ерекше сый тарту етті. Поэзия кешінде әр шығарма адамның өмір жолынан сыр шертті. Өлең жолдарынан сезіммен қатар үміт, сағынышпен бірге өмірге деген құштарлық сезілді. Дегенмен бұл шара оқырмандардың көңілінен шығып, ыстық ықыласқа ие болды ,,Күз бен Біз’’жыл мезгіліне арналған кеш қана емес, адам жанын жақындастырған рухани кездесу. Әдетте мұндей кештерде көңілге медеу, жүрекке жылу сыйлап, бір кештің өзінде түрлі тағдырлар тоғысып, ортақ тіл — өлең мен өнер болады.
