Баспаналы болуды жылдар бойы күткен тағы 40 отбасының арманы орындалды. Шымкентте қала әкімі Ғабит Сыздықбеков жаңа пәтерлердің кілтін салтанатты түрде табыстап, қоныс иелерін құттықтады. Тұрғын үйлер жалға беру және кейін сатып алу мүмкіндігі қарастырылған мемлекеттік бағдарлама аясында берілді.
Жалпы қалада тұрғын үй қорын ұлғайту және халықты баспанамен қамтамасыз ету жұмыстары жүйелі түрде жалғасып келеді. Биыл ай сайын 200-ден астам тұрғын жаңа баспананың кілтін иеленуде. Ал бұл жолы жаңа пәтерлер әлеуметтік осал санаттағы азаматтарға берілді.
