Көптен күткен қуаныш. Шымкентте тағы 40 отбасы жаңа баспананың кілтін алды. Қоныс иелеріне пәтер кілттерін қала әкімі салтанатты түрде табыстап, жаңа қоныстарымен құттықтады. Жалпы баспана азаматтарға несиелік негізде берілді.
Жаңа үйге ие болғандардың қатарында әлеуметтік осал топ өкілдері, көпбалалы аналар және баспана кезегінде тұрған азаматтар бар. Солардың бірі – Ажар Серікқызы. Ол бес жылдан бері баспана кезегінде тұрған. Пәтерді ата-анасының қамқорлығынсыз қалған азаматтар санаты бойынша алды.
Енді бір тұрғын баспана кезегінде 11 жыл тұрған. Осы уақыт ішінде пәтер алуды асыға күткен ол бүгін көптен күткен жаңа үйінің кілтіне қол жеткізіп, алғысын білдірді.
