«WORLDSKILLIS -2026» ЧЕМПИОНАТЫНЫҢ ЖЕҢІМПАЗДАРЫ МАРАПАТТАЛДЫ

Шымкентте «WorldSkills – 2026» өңірлік кәсіби шеберлік чемпионаты қорытындыланды. Колледж студенттері бақ сынаған дода 45 құзыреттілік бойынша өтті. Төрт күнге созылған жарыста өз ісінің үздігі атанған жас мамандар анықталды. Енді жеңімпаздар республикалық чемпионатта шаһардың намысын қорғайды.Шымкент қаласындағы техникалық және кәсіптік, орта білімнен кейінгі білім беру ұйымдарының студенттері арасында өткен чемпионатқа 258 қатысушы қатысты. Сондай-ақ жарысқа 300 сарапшы мен 20 тәуелсіз сарапшы жұмылдырылды.Ұйымдастырушылардың айтуынша, чемпионат жұмысшы мамандықтарының мәртебесін арттырып, талантты жастарды қолдауға және олардың кәсіби шеберлігін дамытуға бағытталған.

 Чемпионат қорытындысы бойынша жеңімпаздар халықаралық талаптарға сай сиаиес бағалау жүйесі арқылы анықталды. Жеңіл автомобильдерді жөндеу және қызмет көрсету құзыреттілігі бойынша бақ сынаған Жол-көлік колледжінің студенті Шыңғыс Абубакиров үздік нәтиже көрсетіп, бірінші орынды иеленді. Осылайша ол республикалық кезеңге жолдама алды. Бұдан бөлек, жарыс нәтижесінде 47 қатысушы бірінші орын, 61 қатысушы екінші орын және 51 қатысушы үшінші орын иегері атанды. Жалпы, «WorldSkills Shymkent – 2026» чемпионаты жастардың кәсіби шеберлігін шыңдап, олардың әлеуетін көрсетуге мүмкіндік берген маңызды алаң болды. Чемпионат жеңімпаздары арнайы дипломдармен және бағалы сыйлықтармен марапатталды.