Қала әкімі Әл-Фараби ауданының тұрғындарымен жүздесті. Көшпелі кездесуде халық өздерін алаңдатқан мәселелерді тікелей әкімге жеткізді. Атап айтқанда, баспана, жер және жол мәселелері, сондай-ақ коммуналдық төлемдерге қатысты түйткілдер көтерілді. Тұрғындар қордаланған мәселелердің шешімін тауып, нақты нәтиже болуын сұрады.Әл-Фараби ауданының тұрғыны денсаулығына байланысты мәселе көтерді. Оның айтуынша, бұған дейін 2-топ мүгедектігі белгіленгенімен, кейін 3-топқа ауыстырылған. Бір аяғынан айырылғанын айтқан тұрғын мүгедектік тобын қайта қарап, бұрынғы мәртебесін қалпына келтіруге ықпал етуді сұрады.
Тұрғындар коммуналдық төлемдерге қатысты да наразылығын білдірді. Атап айтқанда, төлем түбіртегінде тұрғын үйдегі су құбыры жүйелерін жөндеуге қаржы қарастырылған. Алайда тұрғындар мұндай қызметтің іс жүзінде көрсетілмегенін айтып, есептеулердің негізділігін тексеруді сұрады.Мүгедектігі бар азаматтар үшін баспана мәселесі де өзекті. Тұрғындар тұрғын үй кезегінде ұзақ уақыт күтіп жүргенін айтып, баспаналы болу мерзімін сұрады. Өз кезегінде жауапты тарап әр азаматтың баспана белгіленген тәртіп пен кезекке сәйкес берілетінін түсіндірді.
Кездесуде жер дауына қатысты мәселе де көтерілді. Тұрғынның айтуынша, бір жер телімі екі азаматқа сатылған. Мәселе сотта қаралып, шешім бір тараптың пайдасына шыққан. Алайда жерді сатып алғанын айтқан азамат мәселенің өзіне де қатысты шешімін табуын сұрап, әкімдік тарапынан көмек көрсетуді өтінді.
Көшпелі кездесуде тұрғындар тарапынан айтылған барлық ұсыныс пен өтініш назарға алынды. Қала әкімі көтерілген мәселелерді зерделеп, тиісті шешім қабылдау үшін жауапты басқармаларға тапсырмалар жүктеді. Мәселелердің орындалуы белгіленген тәртіппен бақылауда болатыны айтылды.
site-verification-ok

Ray ID: 8f3a2c1b9d4e5f6a · Performance & security by Cloudflare
site-verification-ok

Ray ID: 8f3a2c1b9d4e5f6a · Performance & security by Cloudflare
site-verification-ok

Ray ID: 8f3a2c1b9d4e5f6a · Performance & security by Cloudflare
site-verification-ok

Ray ID: 8f3a2c1b9d4e5f6a · Performance & security by Cloudflare
site-verification-ok










