Парламент 2026–2028 жылдарға арналған республикалық бюджетті мақұлдады. Жаңа бюджет жобасына сәйкес:
— айлық есептік көрсеткіш (АЕК) – 4 325 теңге (2025 жылы 3932 теңге);
— ең төменгі жалақы – 85 000 теңге (өзгеріссіз);
— ең төменгі зейнетақы – 69 049 теңге (2025 жылы 62 771 теңге);
— ең төменгі мемлекеттік базалық зейнетақы төлемі – 35 596 теңге (2025 жылы 32 360 теңге);
— базалық әлеуметтік төлемдердің мөлшерін есептеу үшін өмір сүру шекті сома – 50 851 теңге (2025 жылы 46 228 теңге).
Бұған дейін, сенат 2026–2028 жылдарға арналған республикалық бюджет жобасына түзетулер енгізіп, мәжіліске қайтарған еді. 26 қараша күні мәжіліс сенат депутаттарының түзетулерімен келісті. Алдағы үш жылға арналған республикалық бюджет туралы заң президенттің қол қоюына жіберіледі.
