СТУДЕНТТЕРГЕ АРНАЛҒАН МЕРЕКЕЛІК КҮН

Шымкентте Халықаралық студенттер күніне орай мерекелік концерт өтті. Жиында Қоғамдық жұмыстарда көзге түскен белсенді студенттер арнайы алғыс хаттармен марапатталды. Шараның басты мақсаты – студенттерге рухани қолдау көрсетіп олардың белсенділігін арттыру және мерекелік көңіл-күй сыйлау.

Мерекелік шараға шаһардағы тоғыз жоғары оқу орнының студенттері қатысып, өз өнерлерін көпшілік назарына ұсынды. Ән мен би жанрындағы түрлі нөмірлер көрермендерге ерекше әсер сыйлады. Студенттердің жарқын өнері кештің рухын көтеріп, жылулық атмосфера қалыптастырды. Қатысушылар бұл шараның студенттер қауымына шабыт беретін маңызды мерекелік алаң болғанын атап өтті. Іс-шара барысында орталық басшысы жастарды айтулы мерекемен құттықтап, жастардың қоғамдағы белсенділігіне жоғары бағасын берді. Құттықтау сөзден кейін жастарға алғыс хаттар табысталды. Бұл марапаттар студенттердің қоғамдық жұмысқа деген ынтасын одан әрі арттырары сөзсіз. Мереклеік жиында Студенттер оқу ордасындағы қызықтарымен де бөлісті.

Кеш соңында қатысушылар бір-бірімен достық қарым-қатынастарын нығайтып, жаңа таныстықтар орнатты. Студенттер мұндай іс-шаралар білім алушылардың дамуына үлкен серпін беретінін айтты. Мерекелік концерт позитивке толы атмосферамен аяқталып, қатысушылар көтеріңкі көңіл-күймен тарқасты.