Шаһарда жайлы орта қалыптастыру қоғамның орта міндеті. Қаладағы тұрмыстық қалдықтарды шығару сапасын арттыру және экологиялық ахуалды жақсарту бағытында нақты шаралар қолға алынып жатыр. Аталған мәселе, қала әкімінің орынбасары қатысқан брифингте көтерілді.
Қалалық жайлы орта басқармасы ұсынған мәлімет бойынша, бұған дейін қалада қоқыс шығару қызметімен 11 мекеме айналысқан. Алайда тұрғындардан түскен шағымдар мен арыздар саны көбейген соң, бұл бағытта арнайы конкурс ұйымдастырылған. Байқау талаптарына сәйкес, жаңа техника әкеліп, қоқыс контейнерлерін жаңарту міндеті қойылған. Мамырдың 19-ында конкурс нәтижесі анықталып, “Кленвилодж” жауапкершілігі шектеулі серіктестігі жеңімпаз деп танылған.
