«ОТБАСЫ БАНК» — БАСПАНАЛЫ БОЛУДЫҢ СЕНІМДІ ЖОЛЫ

Қазақстанда тұрғын үй мәселесі – әр отбасы үшін ең өзекті тақырыптардың бірі. Мемлекет бұл бағытта түрлі бағдарламалар қабылдап, азаматтардың баспаналы болуына жағдай жасап келеді. Солардың ішінде ерекше маңызға ие ұйым – «Отбасы банк» тұрғын үй құрылыс жинақ банкі.

«Отбасы банк» 2003 жылы құрылған және бүгінде еліміздің тұрғын үй нарығындағы басты қаржылық институттардың бірі болып табылады. Банктің негізгі мақсаты – азаматтарға қолжетімді және тиімді жолмен баспана алу мүмкіндігін ұсыну.Банк жүйесі қарапайым әрі тиімді үш кезеңнен тұрады:

1. Жинақтау кезеңі – клиент өз атына шот ашып, белгілі бір уақыт бойы ақша жинайды;

2. Бағалау кезеңі – жинақ сомасы мен салымшының төлем қабілеті ескеріледі;

3. Несие кезеңі – банк төмен пайыздық мөлшерлемемен тұрғын үй несиесін береді.

«Отбасы банк» арқылы азаматтар жас отбасыларға, көпбалалы аналарға, мемлекеттік қызметкерлерге және жастарға арналған жеңілдетілген бағдарламаларға қатыса алады. Мысалы, «Бақытты отбасы», «Жас отбасы», «Орда» сияқты жобалар көптеген азаматтардың арманындағы баспанасына қол жеткізуіне мүмкіндік берді. Сонымен қатар банк цифрландыру бағытында да белсенді жұмыс жүргізіп келеді. Қазіргі таңда барлық қызмет түрін онлайн түрде e-OtBasy және Homebank мобильді қосымшалары арқылы рәсімдеуге болады. Бұл азаматтарға уақыт үнемдеп, процесті жеңілдетеді.

Қорытындылай келе, «Отбасы банк» – қазақстандықтардың баспаналы болуына нақты мүмкіндік беріп отырған әлеуметтік бағыттағы қаржы институты. Тиімді шарттар мен ашық жүйе арқасында мыңдаған отбасы өз баспанасына ие болды. Алдағы уақытта да банк елдің әлеуметтік-экономикалық дамуына өз үлесін қоса беретіні сөзсіз.

«Айғақ» ақпараттық порталы

Авторы: Искандарова Оразгүл

Жетекшісі: Жамашева Жанар