Жаңа оқу жылы қарсаңында «AMANAT» партиясы Шымкент қалалық филиалының төрағасы Мұрат Жолдыхожаев «Балаларды мектепке дайындайық» республикалық акциясы аясында 200 оқушыға мектеп сөмкесі мен оқу құралдарын табыс етті. Бұл акция партияның игі дәстүріне айналған. Айта кетсек, бүгінге дейін шымкенттік партиялықтардың қолдауымен мыңнан астам бала қажетті құралдармен толықтырылған болатын.
Естеріңізге сала кетейік, 1 тамыздан 30 қыркүйекке дейін аз қамтылған, көп балалы отбасылар, жетім балалар және ата-анасының қамқорлығынсыз қалған балалар қатарындағы білім алушыларға «Мектепке жол» республикалық акциясы аясында демеушілік қаражаты есебінен керек-жарақтары бар мектеп рюкзактары түрінде көмек көрсетіледі.
