15 МИЛЛИОННАН АСТАМ ДӘРІ-ДӘРМЕК ҚАБЫЛДАНДЫ

     Брифингте дәрілік заттарды таңбалау және қадағалау тәртібі айтылды. Шымкент қаласы бойынша дәріханаларға қабылданған дәрілік заттардың көлемі 15 миллион 634 мың дананы құрады. Сонымен қатар Мемлекет басшысының тапсырмасына сәйкес, қаладағы барлық медициналық ұйымдар дәрі-дәрмекпен қамтамасыз етілген. Бұл жұмыс «Әлеуметтік әмиян» жобасы арқылы жүзеге асырылып жатыр.

     Аталған бұйрыққа сәйкес дәрілік заттарды таңбалау олардың бүкіл айналым кезеңінде жүзеге асырылады. Бұл – сатып алу, сақтау, ел аумағына әкелу, өндіру, таңбалау, тасымалдау және өткізу кезеңдерін қамтиды. Ал дәрілік заттарды өткізу үшін айналымға қатысушылар міндетті түрде тауарларды таңбалау және қадағалау ақпараттық жүйесінде тіркелуі қажет.

    Мемлекет басшысының тапсырмасына сәйкес Шымкент қаласының барлық 61 медициналық ұйымында «Әлеуметтік әмиян» жобасы енгізілді. Жоба аясында қағаз рецептермен қатар QR-код арқылы да жеңілдетілген тегін дәрі-дәрмекпен қамтамасыз ету жүзеге асырылып отыр. Сонымен қатар Шымкент қаласында ваучерлік қаржыландыру жүйесі жүзеге асырылуда. Бүгінгі күнге дейін тұрғындарға 62 251 ваучер берілген.

     Айта кетейік, тұрғын үй мәселесі бойынша жалға алынған жеке тұрғын үйлердің төлемі тең үлеспен бөлінеді: 50 пайызы – мемлекеттік бюджеттен, қалған 50 пайызы – алушылардың өз есебінен төленеді. Бұл жеңілдік 2022 жылдың қазан айынан бері қолданыста.