Шымкент қаласындағы «Жұлдызай» балаларды оңалту орталығы тағы да ерекше қуанышқа бөленді. Мұнда дәстүрге айналған «Мектепке жол» атты мерекелік қайырымдылық шарасы өтті. Шара аясында 1-сыныпқа баратын 20 балаға мектепке қажетті құрал-жабдықтар тарту етілді. Бұл – балалардың білімге деген ынтасын арттырып қана қоймай, олардың жаңа өмір белесіне қуанышпен қадам басуына үлкен демеу. Сөмкесін құшақтап, жүздерінен шаттық сезілген бүлдіршіндердің қуанышы ата-аналардың да көңілін толқытпай қоймады. «Мектепке жол» жобасы жыл сайын дәстүрлі түрде ұйымдастырылып келеді. Оның басты мақсаты – әлеуметтік тұрғыда қолдауға мұқтаж балаларға көмектесу, олардың білім алуына тең мүмкіндік жасау. Бұл – қоғамдағы бірлік пен мейірімнің, қамқорлық пен қайырымдылықтың айқын көрінісі. Орталық ұжымы бұл шараны балалардың оқу жылын шаттықпен бастауы үшін ғана емес, олардың армандарына қанат бітіру мақсатында ұйымдастырып отыр. Әрбір сыйға берілген оқу құралы – тек материалдық көмек емес, үлкен жүректен шыққан ыстық ықылас. Шын мәнінде, қайырымдылық – жүректе. Бүгінгі қуанышты күн – соның дәлелі. Балалардың көзіндегі шаттық пен ата-аналардың алғысы – кез келген жақсылықтың ең үлкен марапаты.
ӘЙЕЛДЕРГЕ АРНАЛҒАН ҚОРҒАНЫС КУРСЫ
Шымкентте нәзік жандылардың қауіпсіздігін арттыруға арналған «ӘЙЕЛ.ҚҰҚЫҚ.ҚОРҒАНЫС» атты семинар-тренинг өтті. Мұнда қатысушылар өзін физикалық қауіптен қорғаудың қарапайым тәсілдерін меңгеріп, дағдарыс...
