Шымкентте ел бірлігі мен қауіпсіздігіне арналған маңызды кездесу өтті. Қазақстан халқы Ассамблеясы жанында ұйымдастырылған бұл басқосу «Заң мен тәртіп – қоғамдық татулық пен саяси тұрақтылықтың негізі» тақырыбында өрбіді. Аталмыш жиынға қатысқан құқық қорғау органдары мен түрлі этнос өкілдері қоғамдағы бейбіт өмірді сақтау жолдарын талқылап, өзекті мәселелеріне тоқталды.
Іс- шараны «Шымкент қалалық корейлер қауымдастығы» төрағасы Пан Юрий Радионович жүргізді. Сондай-ақ жиынға мемлекеттік органдар, құқық қорғау құрылымдары, сайлау комиссиясы, этномәдени бірлестіктер мен қоғам белсенділерінің өкілдері жиналып, біршама мәселелерді талқылады. Олар заманауи қоғамда заң үстемдігі мен қоғамдық тәртіптің сақталуы елдің тұрақты дамуы мен бейбіт өмірдің кепілі екенін атап өтті.
Кездесуде құқықтық мәдениетті қалыптастыру, этносаралық келісімді нығайту және қоғамдағы тыныштықты сақтау – Қазақстан халқы Ассамблеясының басты ұстанымдарының бірі . Осыған орай Тұран ауылдық полиция бөлімшесінің ақпараттандыру және байланыс тобының инспекторы құқық қорғау органдары мен этнос өкілдері арасындағы өзара түсіністікті арттыру, заңға құрметті күшейту және қоғамдық келісімді сақтау мәселелерін жеткізді.
