ХАКІМ АБАЙ МҰРАСЫ ҰЛЫҚТАЛДЫ

      Абай саябағындағы «Хакім Абай» музейінде ұлы ақынның мерейтойына арналған Ашық есік күні өтті. «Қазақтың дара туған данасы – Абай» атты айтулы шараға зиялы қауым өкілдері мен қала тұрғындары көптеп жиналды.
Келушілерді ұлы ақынның өмірі мен шығармашылығын бейнелейтін бірегей экспозициялар мен «Әлем таныған Абай» көрмесі күтті.
Осылайша, ұлы Абай мұрасы келушілерге кеңінен таныстырылды.

     Экспозицияда ұлы Абайдың сирек кездесетін архивтік құжаттары мен қолжазбалары ерекше назарға ұсынылған. Сонымен қатар, XIX ғасырдағы тұрмыстық заттар мен жәдігерлер көрерменді сол дәуірдің тыныс-тіршілігімен таныстырады.
Ал, Шәкірттері мен абайтанушылар туралы тың деректер ұлы ақынның өмірі мен мұрасын тереңірек түсінуге мүмкіндік берді.Осылайша, Абайдың асыл мұрасы келешек ұрпаққа жеткізілуде.

     Ашық есік күні хакім Абай музейінде белгілі абайтанушы, филология ғылымдарының докторы, профессор Мекемтас Мырзахметұлының еңбектері де таныстырылды. Ақынның өлеңдері арқылы рухани шабыт пен даналықты сезінуге мүмкіндік беретін ерекше туындылар да көпшілік назарына ұсынылған. Бұл көрме – ұлт тарихының асыл қазынасын дәріптеп, қазақ руханиятының биік өрісін кеңейтудің маңызды кезеңі болды. Абайдың асыл мұрасы мен даналығы бүгінгі және болашақ ұрпақ үшін рухани бағдаршы болып қала береді.