Тамыз айының әр екінші жексенбісінде аталып өтетін құрылысшылар күніне орай студенттердің шығармашылық көрмесі өтті. Бұл көрме Манап Өтебаев атындағы колледжде жұмысшы мамандықтар жылы аясында ұйымдастырылды. Ал, іс- шараның мақсаты құрылыс мамандықтарының маңызын танытып, жастарға кәсіби бағдар беру.
Шығармашылық көрмеде «Ғимараттар мен құрылыстарды салу және пайдалану», «Архитектура» және «Дизайн» мамандықтарының студенттері тың жобалары мен туындыларын көпшілікке таныстырды. Шара барысында талапкерлер мен оқушылар кірпіш қалау, плитка қаптау, сылақ жұмыстары бойынша шеберліктерін көрсетті, архитектуралық макеттер жасады және дизайн мен графикалық жобалау саласында өз идеяларын ұсынды.
Көрмеден күтілетін нәтиже – жастардың құрылыс мамандықтарына қызығушылығын арттыру, еңбек адамының кәсіби мәртебесін көтеру және шеберлікті бағалау. Құрылыс пәндері кафедрасы оқытушысының айтуынша, шара барысында құрылыс саласының заманауи үрдістері, мамандық таңдаудың маңызы, еңбек нарығындағы сұраныс пен шығармашылық әлеует жайлы құнды пікірлер ортаға салынды.
