43 ЖАСЫНДА ҮШЕМ СҮЙГЕН АНА

     №1 облыстық перинаталдық орталығында ерекше әрі қуанышты оқиға орын алды. 43 жастағы Орынкүл Нұрабаева, екі ұл мен алты қыз тәрбиелеп отырған ана, үшемді өмірге әкеліп, отбасындағы бала саны 11-ге жетті. Ана мен нәрестелердің жағдайы тұрақты болғандықтан, дәрігерлер оларды перзентханадан үйлеріне шығарды.

    Жүктіліктің 35-аптасында көп ұрықты жүктілікке байланысты дәрігерлер ана  мен балалардың қауіпсіздігін ескере отырып, жоспарлы түрде кесарь тілігін жасау шешімін қабылдаған. Хирургиялық ота сәтті өтіп, 12:46 мен 12:48 аралығында үш бірдей сәби жарық дүние есігін ашты. Сәбилердің әрқайсысы ерекше есімдерге ие болды: Аслан – 2265 грамм, Алихан – 2455 грамм, Алинур – 2405 грамм болып дүниеге келді. Мезгілінен ерте туылғанына қарамастан, олардың жағдайы алғашқы күннен бастап тұрақты деп бағаланды. Үшемдер жаңа туған нәрестелер патологиясы бөлімінде дәрігерлердің қатаң бақылауында болды. Ана сүтімен қоректеніп, біртіндеп салмақ қосып, жақсы дамып келеді. Бұл – білікті мамандар мен заманауи медицинаның жемісі.

    Айта кету керек, бұл – Орынкүл ханымның тоғызыншы жүктілігі және сегізінші рет босануы. Бұған дейін бұл отбасында екі ұл мен алты қыз тәрбиеленіп жатқан. Енді үшемнің өмірге келуімен шаңырақтағы бала саны 11-ге жетіп отыр. Бұл – қазақы қайсарлық пен төзімділіктің, үлкен жүректі ананың өмір жолындағы үлкен белесі. Ана атанған 6 қыздың ішінде екеуі тұрмыста, ал Орынкүл Нұрабаева 43 жасында 5 немеренің әжесі атанып отыр. Осындай кең пейілді, бірлігі жарасқан үлкен әулеттің бары – елдігіміздің көрінісі.

    Ауыл шаруашылығымен айналысатын бұл еңбекқор отбасының қуанышы бүгінде елге үлгі. Үшемдерді үйде әкесі, ағалары мен әпкелері тағатсыздана күтіп отыр. Бұл сәт – тек бір отбасының қуанышы емес, бүтін бір ауылдың шаттығы дер едік.

№1 облыстық перинаталдық орталығының ұжымы көпбалалы отбасын осы ерекше жаңалықпен шын жүректен құттықтап, сәбилерге ұзақ ғұмыр, зор денсаулық тіледі. Сонымен қатар, орталық атынан жаңа туған нәрестелерге арналған арнайы сыйлықтар табысталды. Бұл – дәрігерлердің адам өміріне деген жанашырлығы мен ізгі ниетінің жарқын көрінісі.

Жалпы, 2025 жылдың басынан бері №1 облыстық перинаталдық орталықта 4050 нәресте дүниеге келген. Олардың 72-сі – егізде. Бұл көрсеткіш 2024 жылдың осы кезеңімен салыстырғанда 271 балаға артық. Бұл – өңір халқы өсімінің, отбасылар арасындағы берекенің нақты дәлелі. Түркістан облысы бойынша жыл басынан бері 285 егіз және 2 үшем тіркелген. Осындай қуанышты статистика – ана махаббатының, отбасы жылулығының, сонымен қатар медицина қызметкерлерінің тынымсыз еңбегінің нәтижесі.

     Мемлекет басшысы дамыған демократиялық қоғам құру – бұл дәйекті және жүйелі жұмыс екенін түсіну керектігін баса айтты. Демократия – бұл әрқайсымыздың күнделікті тынымсыз еңбегіміз. Мұнда ғылыми қоғамдастықтың рөлі де, мәні де өте зор. Жалпыреспубликалық референдум жаңа әділетті Қазақстанды құрудың маңызды бастамасы болады», деді Президент Қасым Жомарт Тоқаев.