Үшінші мегаполисте ұлы ойшылдың мерейтойына орай республикалық «Абай әлемі» байқауының екінші кезеңі өтті. Мақсат – ұлы ойшылдың шығармашылығын кеңінен насихаттап, көркем әдебиет пен поэзияны сүйетін оқырмандарды ынталандыру. Аталмыш байқауға еліміздің әр өңірінен іріктелген 26 талантты жастар қатысып өз өнерлерін ортаға салды.
«Абай әлемі» байқауының ІІ кезеңінде қатысушылар екі шарт бойынша сынға түсті: ақынның бір шығармасын жатқа, мәнерлеп оқу және Абайдың өмірі мен шығармашылығына қатысты тың деректерді қысқаша баяндау.
Үшінші жыл қатарынан өткізіліп келе жатқан бұл байқау – Абай мұрасын дәріптеудің жарқын үлгісі. Биыл республикалық деңгейде өткен додаға 18 бен 35 жас аралығындағы 117 үміткер қатысып, оның ішінен еліміздің түкпір-түкпірінен іріктелген талантты жастар байқауда өз өнерлерін көрсетті.
Атап айтқанда, еліміздің түкіпір түкпірінен келген жастар Абай мұрасын жүрек жылуымен жеткізді. Байқау жеңімпаздары І, ІІ, ІІІ дәрежелі дипломмен марапатталып, барлық қатысушыларға арнайы сыйақы табысталады. Ал бас жүлде иегері 1 миллион теңгенің сертификатын иеленеді. Аталған іс-шараға қаланың шығармашыл зиялы қауымы, ақын-жазушылар, абайтанушы ғалымдар, қалалық ардагерлер кеңесінің мүшелері AMANAT» партиясы Шымкент қалалық филиалы, қалалық мәдениет мекемелерінің басшылары мен мамандары, жоғары оқу орындарының студенттері және кітапхананың белсенді оқырмандары қатыстып байқауды тамашалады.
Сондай-ақ жарысқа ұлттық ұланның өнерлі сарбазы да қатысып, Абайдың рухты өлеңдерімен көрерменге ерекше әсер сыйлады.
