Қазақстан Журналистер Одағының Шымкент қалалық филиалына жаңа төраға сайланды. Алты жыл бойы филиал төрағасы қызметін атқарған Уәли Қыдыр «Turkistan» телеарнасының бас директоры лауазымына тағайындалуына байланысты өз қызметін тоқтатты. Оның орнына Оңтүстік телерадиокомпаниясының бас директоры Саламат Омаш сайланды. Жиында Қазақстан Журналистер Одағының мүшелері Саламат Омаштың кандидатурасын бірауыздан қолдады. Жаңа төраға алдағы уақытта қалалық журналистердің кәсіби деңгейін арттыруға және шығармашылық бастамаларды қолдауға күш салатынын атап өтті. Сонымен қатар, жас журналистерді қолдау бағытында бірқатар жобалар жүзеге асырылмақ.
