ТҮНДЕ ЖҮРЕТІН БАЛАНЫҢ МӘСЕЛЕСІ ҚАРАЛДЫ

Құрсай елді мекеніндегі Әл-Фараби атындағы мектепте «Қауіпсіз қала» тақырыбында кездесу өтті. Бұл шараға ата-аналар мен мұғалімдер қатысты.Себебі кәмелетке толмағандардың түнгі уақытта бей-берекет жүруі — алаңдатарлық мәселеге айналған. Ал, кездесу барысында ата-аналар «Кім жауапты?», «Неге тиісті бақылау жоқ?» деген сауалдарын жолдап, өз алаңдаушылықтарын білдірді.

Спикерлер түнгі уақытта кәмелетке толмағандардың заңсыз жүріс-тұрысы туралы айтып, ата-аналардың жауапкершілігін нақты мысалдармен түсіндірді.
Кездесу барысында құқықтық салдар мен алдын алу шаралары да кеңінен талқыланды. Сондай-ақ қатысушылар көкейдегі сұрақтарын қойып, мамандардан нақты жауап алды.

Ұйымдастырушылардың айтуынша, мұндай кездесулер алдағы уақытта да жалғасын табады. Бұл шараның мақсаты – жастардың құқық бұзуының алдын алып, бұл бағытта ата-аналармен бірлесіп жұмыс істеу.Сондықтан да мұндай шаралар жүйелі түрде өткізіліп тұрмақ.