БІР ЖОБА — БЕС ТІЛ

Шаһарда 4 жылдан бері жүзеге асып келе жатқан «Тілдер саябағы» жобасы биыл да өз мәресіне жетті. Екі ай бойы тұрғындар шет тілдерін тегін меңгеру мүмкіндігіне ие болды. Әлеуметтік жобаны жүзеге асырып жүрген — Top Generation School тобы. Олар 5 түрлі тілді үйретуді жолға қойған.

   2024 жылдың 1 қыркүйегінен бастап Академия атауын өзгертіп, жаңаша даму бағытын ұстануда. Бұрынғы Alpha Academy – бүгінде Top Generation School атауымен белгілі. 2016 жылдан бері бұл ұйым білім беру саласында әлеуметтік жобаларды жүзеге асырып келеді. Мақсат – мемлекеттік тілді насихаттап, ағылшын тілі мен қоса бірқатар тілді дамыту, және мектептен тыс оқушыларға қажет дағдыларды үйрету. Ұйым жобалары «100 нақты қадам», «Мәңгілік Ел», «Туған жерге тағзым» секілді мемлекеттік бағдарламалардың құндылықтарына негізделген.

Шымкенттегі жоба аясында жастар тіл үйреніп қана қоймай, көшбасшылық, командада жұмыс істеу және сыни ойлау сияқты қабілеттерді де меңгеруде.
Оқушылардың бірқатары — бүгінде шетелдік жоғары оқу орындарында білім алып жатыр. Ұйым болашақта жобаның аясын кеңейтіп, бүкіл республика бойынша іске асыруды жоспарлап отыр.

Қалада дәстүрге айналған «Тілдер саябағы» жобасы аясында қазақ тілі, орыс тілі, ағылшын тілі және түрік ,қытай тілдері де қолға алынып үйретілді. Екі ай бойы тұрғындар бірнеше шет тілін тегін меңгеріп, жаңа білімге жол ашты. Сабақтар ашық аспан астында тілдік деңгейге қарай бейімделіп, ойын, диалог, пікірталас секілді интерактивті форматта өтті. Қатысамын деушілерге шектеу жоқ. Яғни 6 мен 63 жас аралығындағы кез келген азамат өз білімін шыңдай алады. Бүгінде «Тілдер саябағы» арқылы жүздеген шымкенттік шет тілін меңгеріп, өз-өзіне сенім арттырды. Тек білім алып қоймай, қоғамға пайдасын тигізуге ұмтылған жастардың қатары артты.