Қазақстан халқы Ассамблеясының бастамасымен Медиация апталығы өтті. Жобаның мақсаты — қоғамда бейбітшілік пен келісімді нығайту, туындаған дау-дамайларды сотқа жеткізбей, ортақ мәмілеге келу жолдарын насихаттау. Осы бағытта өткен апталықтың жабылуында заңгерлер, судьялар мен кәсіби медиаторлар дөңгелек үстелде бас қосып, тәжірибе алмасты. Бейбітшілік пен келісімді нығайтуға бағытталған этномедиация — қоғамда туындаған дауларды сотқа дейін шешудің тиімді құралы. «Этносаралық келісім мен татулықтың жолы» тақырыбында өткен мастер-класста медиацияның құқықтық тетіктері мен маңызы жан-жақты түсіндірілді. Шымкент қаласының азаматтық істер жөніндегі ауданаралық сотының судьясы іс-шараның маңыздылығына тоқталды.
Мемлекет басшысы Қасым-Жомарт Тоқаевтың тапсырмасына сәйкес, этномедиация саласының дамуына ерекше көңіл бөлініп отыр. Осы бағытта белсенді еңбек етіп жүрген кәсіби медиатор, қалалық ҚХА жанындағы этномедиация кеңесінің төрайымы Дана Кенжеқұлова да шараға қатысып, ой бөлісті. Жиын барысында қатысушылар этномедиация жайында еркін пікір алмасып, мамандарға сұрақтар қойды. Сонымен қатар, заңгерлер, блогерлер мен ипотекалық брокерлер үшін апталықтың жабылуында «Этномедиация — татулық пен келісім құралы» тақырыбында тегін мастер-класс ұйымдастырылды.
