АДАЛДЫҚ — АДАМДЫҚ БЕЛГІСІ

 «Адалдық — адамдық белгісі» атты жас суретшілердің қалалық байқауы өтті. Жастардың шығармашылыққа деген талпынысын артыру мақсатында өткен жиынға 92 жас өрен қатысып, бақтарын сынады. Шара барысында концерттік бағдарлама ұйымдастырылып, ұлттық аспаптардың сүйемелімен әсем әуендер орындалды.  Адалдық- адамдық белгісі атты сурет байқауы топтық жас ерекшелігімен өтті. Бірінші топта 14-16 жас аралығы болса, ал екінші топта 17- 21 жас арасында суретшілер өнерлерін көрсетті. Қатысушыларға 90 мин уақыт беріліп, сыбайлас жемқорлыққа қарсы тақырыпта сурет салуды ұсынды. Жиынға шаһардағы 13 мекемеден өтініш түсіп,  127 адам қатысуға ниет білдірген.

Байқау ҚР сыбайлас жемқорлыққа қарсы іс-қимыл Агентіггінің шымкент қаласы бойынша департаментінің қолдауымен іске асты. Жүлделі орындарды анықтау барысында қазылар алқасы үміткерлердің шығармашылық суретті  аша алуына, түстер үйлесіміне назар аударды. Сонымен қоса жиынға бала кезінен суретке деген қызығушылығы жоғары, қылқаламды жанына серік еткен студенттер де бақтарын сынауға келді.

Жиын жастардың бойындағы бейнелеу өнерінің эстетикалық тәрбиені жетілдіру, сонымен қоса жастардың шығармашылығына қолдау білдіру мақсатында ұйымдастырылған. Байқаудың жалпы жүлде қоры 450 мың теңге. Жүлделі орындардан бөлек, «ең үздік авторлық шығарма», «ең жас суретші» иегерлеріде марапатқа ие болды.