Биылғы күзде үшінші мегаполис шахмат әлемінің жұлдыздары мен шахмат сүйер қауым өкілдері бас қосқан жерге айналды. Осынау ғасырлар қойнауына кеткен бай тарихы бар қалада Қазақстан шахмат федерациясы ұйымдастырған бірнеше іс-шара қатарынан өтті. Федерация еліміздің барлық өңірінде шахмат спортын кеңінен таратуға ұмтылады.
Естеріңізде болса, Шымкентте 2024 жылғы Қазақстан Балалар Кубогының 6-шы кезеңі және Шымкенттің 1-ші Ашық Кубогы бастау алған еді. Қос кубоктың ашылу салтанаты 26 қазанда «Көрме орталығында» өтті. Әр жарыстың 9 туры осы орталық ғимаратында 1 қарашаға дейін күн сайын өткен еді. Шымкент қаласында әлемнің 10 үздік шахматшысы қатысатын ірі халықаралық турнир өткізу –дүниежүзілік шахмат сахнасындағы Қазақстанның атқаратын рөлі мен алатын орнын нығайтудың тағы бір тамаша мүмкіндігі. Сонымен қатар дәл осы жерде Балалар Кубогының финал алдындағы кезеңін және маңызы зор айналма турнирді ұйымдастыру зияткер ұлтты қалыптастыруға көмектесетін осындай игілікті ойынға әуес болуына жол ашады екен.
Биылғы жылы kazchess/Қазақстан шахмат федерациясы көп сатылы ересектер Кубогымен қатар Қазақстан Балалар кубогын да өткізді. Ол Алматыда өтетін 6 кезең мен финалды қамтыды. Бес кезең Таразда, Қызылордада, Қостанайда, Атырауда және Павлодар қалаларында өткен еді. Қорытынды, 6-шы кезең Шымкентте 26 қазан мен 1 қараша аралығында өтті және барлық алдыңғы кезеңдердегідей Швейцария жүйесі бойынша «90+30» классикалық уақыт бақылауымен екі жеке турнирді қамтыды.
Турнир шахмат педагогы Вячеслав Владимирович Печерскийді еске алуға арналды. 1984 жылы ол «Мир» аула клубында балаларға шахмат үйрете бастады, ал 1998 жылы «Пешечка» балалар шахмат клубын құрды, онда 500-ден астам оқушы тәрбиеледі, олардың арасында гроссмейстер Ринат Жұмабаев және әуесқойлар арасында әлем чемпионы ФИДЕ шебері Жұбан Бигабылов бар. Турнирдің құрметті қонағы оның қызы Олеся Вячеславовна Печерск болды.
