БАЛАНЫҢ БАҚЫТТЫ МЕКЕНІ — ОТБАСЫ

«Ана үйі» қоғамдық қорының ұйымдастыруымен әлеуметтік жетімдіктің алдын алуға бағытталған дөңгелек үстел өтті. Еліміздегі кәсіби қабылдаушы отбасылар институтын енгізу мәселелері қозғалған жиында ата-анасының қамқорлығынсыз қалған балалардың жағдайы талқыланды.
«Баланың бақытты мекені – отбасы» тақырыбында Ұлттық бала асырап алу агенттігі ұйымдастырған дөңгелек үстелге қатысушылар Қазақстанда кәсіби қабылдаушы отбасы институтын енгізу туралы ақпарат беріп, пікір алмасты. Қазіргі таңда заң жобасы Мәжілістің жұмыс тобында қарастырылуда.
Жетім балалар мен ата-анасының қамқорлығынсыз қалған балаларды орналастыру саласындағы алдағы жаңалықтарды талқылауға білім, денсаулық сақтау, әлеуметтік жұмыспен қамту басқармаларының, қорғаншылық және қамқоршылық органдарының өкілдері және т. б. келді.
Қазақстандық бизнесмендердің жобасы болып табылатын «Ана Үйі» ҚҚ 11 жылдан астам уақыт бойы әлеуметтік жетімдіктің алдын алу және жыл сайын балалар үйіне түсетін балалар санын азайту мақсатында өз қызметін жүзеге асырып келе жатыр. Ұлттық бала асырап алу агенттігінің миссиясы – қазақстандық қоғамда бала асырап алу мәдениетін дамыту, қабылдаушы отбасыларды сүйемелдеу және кәсіби даярлау.