Шымкент қалалық дене шынықтыру және спорт басқармасының басшысы Маратбек Мықтыбеков Ironman Italy Emilia Romagna жарысына қатысқан Шыназбеков Артур Сәкенұлы мен Тұрысбек Айдар Жасымбекұлын қабылдады. Жарысқа қатысқан атлеттеріміз триатлон жарысы туралы ойларын ортаға салып, алдағы жоспарларымен бөлісті. Басқарма басшысы атлеттерімізге алғыс хат табыстап, әлемдік додаларда жақсы өнер көрсетуіне тілектес болды.
21 қыркүйекте Италия елінің Червия қаласында дәстүрлі Ironman Italy Emilia Romagna жарысы өтті. Италиялық «жартылай темір» қашықтықтығын бағындыруға әлемнің түкпір-түкпірінен 2500-ден астам атлеттер бақ сынады, олардың ішінде 60-қа жуық қазақстандықтар да болды. Оның ішінде Шымкент қаласының атынан екі атлетіміз жарыс жолына шықты.
Жарыстың дәстүрлі жүзу кезеңі Червия жағажайына қарама-қарсы (3,8 шақырым ара қашықтықты құрайтын) теңіз суларында, велоэтап (180 шақырым ара қашықтықты құрайтын) тұзды көлден бастау алып, Бертинор орталығымен таулы аймақта, ал жүгіру кезеңі Червия қаласының әдемі көшелерінен басталып, Сан Микель мұнарасына дейін (42,8 шақырым ара қашықтықта) жүгіру жолында өтті. Біздің екі әуесқой атлетіміз Ironman Italy Emilia Romagna-да жақсы нәтижелер көрсетіп, сәтті мәреге жетті.
Көрсеткіштері:
Тұрысбек Айдар — 9:41:49
Жүзу — 1:21:05
Велоэтап — 4:59:41
Жүгіру — 3:09:54
Шыназбеков Артур — 10:01:57
Жүзу — 1:10:53
Велоэтап — 4:54:04
Жүгіру — 3:46:20
Спортшыларымызға алдағы додаларда жеңіс тұғырынан көрінуге тілек білдіреміз!
