ЖАСТАР ШЕРУІ

Шаһарымызда 25 қазан — Республика  күніне орай “Тарих тағылымынан — тұғырлы тәуелсіздікке” атты жастар шеруі өтті. Тәуелсіздікке 33 жыл толуына орай белсенді жастардың қатысуымен өткен жиынға, әр оқу орнынан 33 студент қатысты.  Еліміздің тәуелсіздігін дәріптеу, жас ұрпаққа салауатты өмір салтын насихаттау мақсатында өткен жиын тарихи сабақтастықты көрсетуге бағытталды.Жастар шеруіне қаламыздан 750 ге жуық студент қатысты. Жиынның мақсаты – жас буынға еліміздің тәуелсіздік жолындағы күресінің маңызын түсіндіру. Ұлт құндылығын қадірлеу, жастарды ұлттың жарқын болашағы екенін көрсету. Ұйымдастырушылардың айтуынша бұл іс-шара қазақ халқының тарихы өткені мен қазіргі тәуелсіз мемлекетке дейінгі даму жолын көрсетеді.

Шеру «Қазақ хандығына 550 жыл» монументінен бастау алып, Тәуелсіздік алаңына дейін жалғасты. Әр нүктеде студенттер ауысып отырды. Қала көшелерінде туымызды биікке желбіретіп жүріп өтті. Жастар елдің болашағы,  Қазақстан халқының егемендігін сақтап, ұлттың нығайуына студенттер өз үлестерін қосты.Жастардың рөлі осы шеруде ерекше айқындалады.Ал бұл өткізілген шараның негізгі мақсаты жас ұрпаққа патриоттық тәрбие беру арқылы, ел тарихын терең түсінуге мүмкіндік жасау, дейді ұйымдастырушылар.