Қазақ әдебиетінің негізін қалаушылардың бірі ойшыл, ағартушы, ақын Абай Құнанбайұлын танымайтын жан кемде кем. Қала әкімдігінің ұйымдастыруымен Шаһарда “ Абай оқулары байқауы “өз мәресіне жетті. Дәстүрге айналған шараға Өнерлі оқушылар бар шеберліктерін көрсетіп ұлы ақынның қарасөздері мен өлеңдерін оқыды. Байқауға 1-10сынып аралығындағы оқушылар қатысып бақ сынады.
Республика бойынша жылда өтілетін Абай оқулары биылғы жылы қала әкімі мен демеушілердің ықпалымен жүзеге асырылды. Қазақстан Республикасының Президенті өз Жолдауында «Әрбір жан отаншыл, білімпаз, еңбекқор, адал, әділ, әрі жанашыр болса, алынбайтын асу жоқ» ,-деген еді.
Абай шығармашылығын насихаттау, оқушылардың классикалық әдебиеттерді оқуға деген қызығушылығын арттыру мақсатында өткен бұл шара сыныпаралық, мектепаралық, аудандық және қалалық кезеңдерден тұрды. Ол кезеңдерге 246 мыңға жуық сөз шеберлері қатысқан.
Байқау барысында қатысушылар Ережеге сәйкес Абай Құнанбайұлының шығармаларын өнер тақырыптарына өрілген поэзиялық туындылары мен қара сөздерін жатқа оқыды. Қазылар алқасы оқушының көркемдеп оқу шеберлігіне қарай баға берді. 21 оқушы қалалық кезеңнің жеңімпазы атанды.
«Абай оқулары” байқауының жеңімпаздарын қала әкімінің орынбасары Сәрсен Абайұлы марапаттады. Сондай-ақ, Жеңімпаздарға демеуші болып отырған «Al-Farabi Bilim» мектебінің бас құрылтайшысы Есбол Әуесбекұлы оқушыларды құттықтап, қаржылай сыйлықтарын берді. Онымен қоса, «Абайдың қара сөздері» атты кітапшаларды оқушыларға, ұстаздарға сыйға тартып, дипломдарды табыстады.
