19-қазан Құтқарушылар күні! Әрбір сағаты қауіп қатерге толы, өзгені ажалдан арашалап жүрген жандар қашанда құрметке лайық. Мегаполисте құтқарушылардың ерлігін болашақ ұрпаққа насихаттау мақсатында ашық есік күні өтті. Іс-шараға мекеме қызметкерлерінен бөлек білім беру ұйымдарының студенттері мен мектеп оқушылары да қатысты.
Қалалық төтенше жағдайлар департаменті №5 өрт сөндіру бөлімінде түрлі жағдайларды бастан кешкен бүгінгі күннің батырлары қызмет атқарады. Солардың бірі Берік Спабеков. Ол 4 баланың әкесі. Осы салада жүргеніне биыл 25 жыл толып отыр. Тіпті тұңғышы да осы салада қызмет атқарады. Бүгінгі күннің батыры 2010 жылдың 1 ші қаңтарында түскен жедел қоңырауда ерлік көрсетіп көзге түскен. Көпқабатты тұрғын үйден шыққан өрттен 4 күндік сәби мен 4 жасар баланы, сонымен қатар ата анасын аман алып қалған. Осы ерлігінен соң Мемлекет басшысының жарлығымен кеудесіне «ерлігі үшін» медальін тақты.
Елімізде Құтқарушылар күні 1995 жылдан бері атап өтіледі. Мереке қарсаңында ерліктері еленген құтқарушыларға құрмет көрсетіліп, қызыл кілеммен жүргізді. Таңның атысы мен кештің батысында да дамыл көрмей еліне адал қызмет етіп жатқан құтқарушыларға құрмет қашанда жоғары. Іс-шара барысында құтқару мамандардың жұмыс процесін көрсететін арнайы дайындалған көріністер қойылды.
Департаменттің жаңа ғимаратында 101,112 жедел басқару орталығы жұмыс істейді. Мұнда 1 аптаның ішінде 12 мыңнан астам қоңыраулар келіп түседі екен.
Айта кетейік, мұнда төтенше жағдай орын алған кезде сергек бейнебақылау камерасы арқылы анықтауға мүмкіндік бар. Ал, қалада ондай камераның 1000-ға жауығы жұмыс істеп тұр.
