Қазақтан шыққан тұңғыш кәсіби режиссер қыз Ғайнижамал Қайруллина туралы бірі білсе, бірі білмейді. Шаһарда театр әлеміне қызығатын жастармен өткен кездесуде өнер иесінің өмір жолы, театр әлеміне қосқан еңбектері туралы айтылды.
Қазақтан шыққан тұңғыш режиссер әйел Ғайнижамал Қайруллина Театр әлеміне өшпес із қалдырған. Әл-Фараби кітапханасының ұйымдастыруымен өткен шарада режиссердың өмір жолын әңгімеледі. Іс- шараға өнер сүйер қауым мен театр әлеміне қызығатын студенттер бас қосты. Театр басшылығы өнер әлеміне қызығатын жастарға нағыз өнердің тыныс — тіршілігін көрсету мақсатында бұндай шараларды жиі ұйымдастыратын атап өтті. Аталмыш жиынға Сапар Өтемісов, Раушан Салова, Айжан Жұмабекова, Күлшат Есібай сынды театр шеберлері қатысып өнер жолының қызығы мен шыжығы туралы әңгімеледі.
Ж.Шанин театрына 95 жыл толуына орай өткен жиында қазақтан шыққан тұңғыш режиссер әйел Ғайнижамал ең алғаш өнер жолын осы театрдан бастағаны айтылды. Ғайнижамал 1961 жылы Алматы қаласында орналасқан Ғабит Мүсірепов атындағы театрға бас режиссер қызметіне шықырту алады. 1964-1967 жылдары Құрманғазы атындағы консерваторияда ұстаз болып қызмет атқарған. Театр әлемінде өшпес орны қалған режиссердің өмір тарихына қызығатын жастарда аз емес. Театр — өнер, өнер десе барын салатын жастар Ғайнижамал Қайруллинаны тануы керек. Халықтың үлкені мен кішісі бас қосқан жиында, театр әлемінің майталмандары жастардың көкей інде жүрген сұрақтарына жауап берді.
