Екі қолға бір күрек. Шымкент қаласында Еңбек күні қарсаңында бос жұмыс орындарының жәрменкесі өтті. Жәрменкеге бесмыңға жуық БОС ЖҰМЫС ОРНЫ ҰСЫНЫЛДЫ. Жұмыспен қамту және әлеуметтік қорғау басқармасының ұйымдастырыуымен өткен шараға жиналған жастар қарасы көп. Адал еңбек – адам көркі тақырыбында өткен бұл жәрменке жастарды жұмыспен қамтамасыз ету мақсатына негізделген.
Арбат алаңында өткен жәрмеңкеге қала аумағындағы мемлекеттік және жекеменшік 100-ден астам жұмыс беруші 4 534 бос жұмыс орны ұсынылды. Оның ішінде 2 764 орын тұрақты, 1 770 орын «Жастар практикасы» бағдарламасына арналған: Қала тұрғындарын тұрақты жұмыспен қамту мақсатында ұйымдастырылған шара халық арасында , жұмыссыздық деңгейін төмендетіп, халықтың мүмкіндіктерін арттыратына сенімі мол. — дейді ұйымдастырушылар.
Іс-шара барысында Еңбек мобильділігі орталығының мамандары Еңбек.кз электрондық порталы ұсынған жұмыс орындарын халыққа таныстырды. Биыл қалада 30 207 адамды жұмыспен қамту шараларына тарту жоспарланып, осыған дейін 23 691 адам қатысты. Жоспар 78,4% орындалды. Жәрмеңке арқылы 335 адам тұрақты жұмыс орнына өтініш беріп, 106 жас «Жастар практикасы» бағдарламасына жолдама алды. Сондай-ақ 139 адам қысқа мерзімді кәсіптік оқуға жолданды. Одан бөлек, 65 тұрғынға қайтарымсыз грант ұсынылды. 18 адам өңіраралық көші-қон жөнінде мамандардан кеңес алды. Жиын соңында , Концерттік бағдарлама ұйымдастырылды.
