Нашақорлыққа қарсы күреске ерекше назар аударылуда. Нашақорлық, шылым шегу, ішімдіке әуестік қәзіргі қоғам дерті. Шымкентте азаматтардың физикалық дамуын тежейтін зиянды әрекеттермен күрес жұмыстары өткізілді. Жастар арасында есірткінің таралуына жол бермеу мақсатында ұйымдастырылған шараға полиция қызметкерлері мен белсенді студенттер атсалысты.
Қаламызда есірткіге қарсы профилактикалық жұмыстар жүргізілді. Соңғы есеп бойынша елімізде нашақор ретінде 3мыңға жуық адам есепке алынған. Қазіргі таңда денсаулыққа зиян әрекетке тәуелділіктен емделіп жатқан жандардың арасында кәмелетке толмаған жастарды да кездестіреміз. Заңсыз саудамен айналысатын сайттарда көбейіп кеткен. Үшінші мегаполисте есірткі жарнамасымен күрес жұмыстары күшейтілді.
Іс- шара барысында полица қызметкерлерімен белсенді жастар қоғамдық орындарда есірткі жарнамаларын өшірді. Естеріңізге салайық, есірткі заттарды заңсыз өткізу туралы граффити суреттерін салу Қазақстан Республикасы Қылмыстық кодексінің 299-бабы бойынша қылмыстық жауапкершілікке тартылады.Синтетикалық есірткіге іліккен адамның жүйке жүйесі бірден зақымданады. Сөйлеу, есте сақтау қабілеті нашарлайды. Ұйқысыздық мазасыздықтан бөлек күйзеліске түседі.
Шаһарымызда өткізілген іс-шараның нәтижесі бойынша көптеген көшелерде есірткі жарнамалары өшірілді. Ұйымдастырлған шараға 200ге жуық белсенді қатысты. Аталмыш іс-шара ай сайын өткізіле бермек.
