Париж Паралимпиадасы қарсаңында Франциядағы Ойындарға қатысатын спортшыларды таныстыруды жалғастырамыз. «Мүлтіксіз мүмкіндік» жобасының жетінші кейіпкері – Әлфия Тілекқабыл, деп хабарлайды ҚР Туризм және спорт министрлігінің баспасөз қызметі.
Әлфия – пара дзюдодан 2023 жылғы Азия чемпионатының жеңімпазы. Отандасымыз Паралимпиада жолдамасын Халықаралық Паралимпиада комитетінің үш жақты (bipartite) комиссиясының шешімімен иеленді.
Ұлттық құрама қатарына былтыр ғана қосылған 18 жастағы атыраулық пара дзюдошы — Париж Паралимпиадасына қатысатын Қазақстан делегациясының ең жас спортшысы.
Париждегі Паралимпиадада спортшымыз жақсы нәтиже көрсетуге және жүлделі орындардан көріну үшін бар күш-жігерін салуға дайын.
