Үшінші мегаполисте Халықаралық шахмат федерациясына 100 жыл. Осыған орай KazChess Fest 2024 турнирі өтті. Ұйымдастырылған сайысқа зиялы қауым өкілдері, ардагерлер қатысты. Шараға қала мен облыстың әр түкпірінен жасөспірімдер жиналып, түрлі санатында шеберліктерін көрсетті. Жарыс бірнеше кезеңнен тұрды, және әр қатысушы жеңіске жету үшін барын салды. Турнирдің мақсаты – жасөспірімдердің интеллектуалдық деңгейін көтеру, шахматқа деген қызығушылығын арттыру және олардың логикалық ойлау қабілеттерін дамыту болды. Іс-шараның ұйымдастырушылары мұндай жарыстардың жасөспірімдердің ақыл-ойын дамытуға және шахматқа деген қызығушылығын арттыруға септігін тигізетінін атап өтті.
Шахмат күніне орай түрлі жарыстар, турнирлер және көрмелер ұйымдастырылады. Сайыс тек бір күн болады. Іс-шараның жоғары деңгейде өтуіне демеушілер де үлес қосуда. Үздік нәтиже көрсеткен қатысушылар арнайы медальдармен, кубоктармен және естелік сыйлықтармен марапатталатын болады. Айта кетсек, халықаралық шахмат күні алғаш рет 1966 жылы аталып өткен. Бұл күннің таңдалуы интеллектуалды ойынның тарихымен байланысты, себебі 1924 жылы 20 шілдеде Парижде Халықаралық шахмат федерациясы (FIDE) құрылды. Сол күннен бастап, әлемнің көптеген елдерінде кеңінен таралып, шахмат әуесқойлары мен кәсіби шахматшылар үшін маңызды оқиғаға айналды.
Я ПОГИБ ПОД РЖЕВОМ
Ранней весной 2013 года в мой адрес поступил звонок от президента ТРК «Айгак» Абиш Дулатбека Назарбековича с...
