АРДАГЕРЛЕР АКЦИЯ ӨТКІЗДІ

Ардагерлер аллеясы тазаланды. Асанбай Асқаров атындағы дендрологиялық саябағында Түркістан облысы ардагерлер кеңесінің мүшелері жасыл желектің жайқалуына үлес қосты. Бұл қазыналы қариялардың жастарға көрсеткен игі ісінің бір көрінісі болғаны сөзсіз. 20-ға жуық ардагердің қатысуымен өткен акцияның мақсаты қоршаған ортаны жақсартуға және қоғамда экологиялық сана-сезімді арттыруға бағытталған.Мемлекет басшысының қолдауымен республиканың барлық өңірінде “Таза Қазақстан” экологиялық акциясы сәуір айының 8-ші жұлдызында бастау алды. Осы бастаманың жалғасы ретінде ардагерлер ұйымы дендросаябақта орналасқан ардагерлер аллеясына көгалдандыру жұмыстарын жүргізді. Басты мақсат жастарды отансүйгіштікке баулып, табиғатқа деген құрметті қалыптастыру.Жиналған ардагерлер саябаққа отырғызған көшеттерді көріп, үлкен қуанышқа бөленді. Әрбір отырғызылған ағаш — олардың табиғатқа қосқан үлесі мен болашақ ұрпаққа аманат екені белгілі. Сондай-ақ, көшеттердің көгеріп өсуі бәрінің көңіліне қуаныш сыйлатыны сөзсіз. Акцияға Төлеби ауданы, Қазығұрт ауданы, Ордабасы ауданының ақсақалдары да өз үлестерін қосты. Тазалық жүргізу барысында ағаштарға су құйылып, ескі орындықтарға сырлау жұмыстары жасалды. Бұл акция ардагерлердің ынтымақтастығын одан әрі нығайта түспек.Айта кетейік, 1-10 тамыз аралығында Түркістан облысының бақ өкілдері мен журналистері президентіміз Қасым-Жомарт Тоқаевтың бастамасы аясында еліміздің батыс аумағында тазалық акциясын жүргізуге ниетті. Нақтырақ айтқанда, тазалық шарасы Түркістан облысынан басталып, Қызылорда, Ақтөбе, Атырау, Маңғыстау облыстарында жалғасын таппақ.