Кәсіпкерлер қала әкімдігінің жасап жатқан жұмысына наразы. Мегаполис мэрінің тапсырмасына сай ағымдағы жылдың ақпан айынан бастап заңсыз орналасқан кәсіпкерлік нысандар қала сыртына көшірілуі туралы ескертулер жасалып, уақыт берілген. Бірақ, дәл осы мәселеге сай қала әкімдігіне барып шу шығарған азаматтардың нысандарын мамандар арнайы тексерді.
Осыған дейін бір емес бірнеше рет көтерілген мәселе әле толық шешімін таппай келеді. Бұқараға қолайлы жағдай жасау мақсатында заңсыз орналасқан кәсіпкерлік нысандар үшін қала сыртынан 5 нүкте бекітілген. Ағымдағы жылдың ақпан айынан бастап жаңа базарлардың капсуласы қаланып, кәсіп иелеріне таныстырылып келеді. Ал, заңсыз нысанның иелері шаһар басшысының тапсырмасына құлақ аспау былай тұрсын әкімдік алдына жиналып дау шығарып үлгерді. Дегенмен, жауапты мамандар енді қатаң шара қолданатындарын айтады.
Көріп тұрғандарыңыздай бұл нысан кәсіпкердің жер телімін заңсыз пайдаланып, кәсіп ашқан А2 тас жолы бойындағы тас, құм секілді құрылыс заттары сатылатын сауда орны. Онда орналасқан көлемді құм мен тастар электр желісінің де талаптарын орындамайды. Ал, жүк көлігіне артылған құрылыс заттарының салмағы белгіленген межеден асса кепілденген мерзімге жетпей, тез тозуына да әсер етеді.
Одан бөлек кәсіптік нысандар қозғалыс кезінде қала тұрғындарына да қолайсыз жағдай туғызуда. Кең көлемде құм төгілетін болса шаң тозаңнан көз ашу мүмкін еместігін айтады.
Айта кетейік, мамандардың айтуынша алдағы уақытта тәртіпке бағынбаған кәсіп иелерінің тауарлары мемлекет мұқтаждығына немесе халық игілігіне алынады.
